مشیر برائے قومی سلامتی جان فائنر کا پاکستان کے میزائل سے متعلق کہنا تھا کہ پاکستانی میزائل سے امریکا بھی محفوظ نہیں ہے۔نائب مشیر برائے قومی سلامتی جان فائنر کا کہناتھا کہ پاکستان طویل فاصلے کے بیلسٹک میزائل بنا رہا ہے جو جنوبی ایشیا کے علاوہ امریکہ تک اپنے اہداف کو نشانہ بنا سکتے ہیں۔
ان کا کہنا تھا کہ اس میں کوئی دو رائے نہیں کہ یہ بیلسٹک میزائل جوہری ہتھیاروں سے بھی لیس کیے جا سکتے ہیں۔غیر ملکی خبر رساں ایجنسی کے مطابق امریکی نائب قومی سلامتی کے مشیر نے اسلام آباد کا طرز عمل طویل فاصلے تک اہداف کو نشانہ بنانے والے میزائل پروگرام کے مقاصد کے بارے میں شکوک شبہات کو جنم دیا ہے۔
قومی سلامتی کے مشیر کا کہنا تھا کہ صاف ظاہر ہے کہ پاکستان کا بیلسٹک میزائل پروگرام امریکا کے لیے خطرے کا باعث ہے۔دوسری جانب نائب ترجمان امریکی محکمہ خارجہ ویدانت پٹیل نے کہا کہ پاکستان اور امریکا اہم شراکت دار ہیں، پاکستان کے بیلسٹک میزائل پروگرام سے متعلق تحفظات واضح ہیں، امریکا اسلحہ کے عالمی عدم پھیلاؤ کے نظام کو برقرار رکھے گا۔
